Fáiltímid roimh cheisteanna ón bpobal. Dá mba mhaith leat tuilleadh eolais faoi do bhaile fearainn, do shráidbhaile nó do bhaile áitiúil, nó má tá ceist ghinearálta agat faoin stair áitiúil, le do thoil, déan teagmháil linn maidir le do cheist. Fáiltímid roimh bhunscoileanna, mheánscoileanna agus mhic léinn triú leibhéal a bhfuil taighde ar thioncsadal nó ar thasc ar an gceantar áitiúil á dhéanamh acu.
Chomh maith leis sin, is féidir linn treoir a thabhairt ar chúrsaí a bhaineann le stair theaghlach agus bímid ar fáil le ceist ar bith a fhreagairt ar an nguthán nó ar ríomhphost.
Má tá eolas ó ailt nuachtán uait, tá cnuasach mór nuachtán againn i bhfoirm mhicreascannán agus i bhfoirm cheangailte, chomh maith leis sin bíonn rochtain ag pátrún na leabharlainne ar bhunachar na nuachtán digiteachIrish Newspaper Archives. Tá seaneagráin de nuachtáin áitiúla Chorcaí amhail The Avondhu, Vale Star, The Corkman agus The Carrigdhoun.
Cuimsíonn na háiseanna againn ionaid staidéir, Wifi, ríomhairí pearsanta le háiseanna scanacháin do bhaill na leabharlainne, innill mhicreascannáin agus áiseanna fótachóipeála.
Tá réimse leathan leabhar ar an iliomad ábhar sa cnuasach Chorcaí agus Éireann againn, chomh maith le réimse leathan irisí stairiúla, tréimhseachán agus nuachtán.
Is féidir linn cabhrú leis nginealas agus leis stair theaghlach. Is do cheadú sa leabharlann an t-abhar agus ní thugtar ar iasacht é. Tá fótachóipeáil ábhair faoi réir rialacha cóipchirt.
Is stór mór í ár Cartlann Dhigiteach Staidéir Áitiúil a dhéanann iniúchadh ar stair agus oidhreacht an-shuimúil an chontae. Is éard atá sa chartlann dhigiteach ná míreanna ar nós grianghraif, cártaí poist, léarscáileanna, paimfléid agus leabhair nótaí.
Is í an fhís atá againn ná na hachmhainní a bhaineann le stair Chorcaí a thabhairt chuig lucht féachanna leathan, trí na hachmhainní seo a dhéanamh inrochtana go héasca ar líne. Bíonn an chartlann dhigiteach ag fás agus ag leathnú an tam ar fad, de réir mar a dhéantar ábhar nua a dhigitiú.
Tá éagsúlacht mhór sna hábhair a chlúidaítear inár gcartlann, lena n-áirítear réimse ábhair mar stair iarnróid Chorcaí, grianghraif Eochaille agus Droichead na Bandan, stair na gcaisleán ar fud an chontae, Cogadh na Saoirse, léarscáileanna eastáit na naoú haois déag agus comhaid an tSuirbhé Thopagrafach agus Ghinearálta ó na 1940idí de chuid Chumann Turasóireachta na hÉireann.
Tá An Leabharlann Staidéar Áitiúil oscailte do gach duine: Staraithe, mic léinn, agus an pobal i gcoitinne. Má tá aon cheist agat maidir le stair áitiúil nó stair theaghlach, tabhair cuairt orainn le do thoil.
Ina theannta sin, is féidir teagmháil a dhéanamh linn ar an nguthán ar 021 4285640 nó r-phost localstudieslibrary@corkcoco.ie
Kieran
Tá an-sásamh ag baint leis an ról sa Leabharlann um Staidéar Áitiúil, ligtear dom staidéar níos doimhne a dhéanamh ar ábhair a raibh eolas agam orthu cheana agus a bheith ag foghlaim faoi abhair a raibh eolas éigin nó eolas ar bith agam orthu. Tá mé tugtha anois don oiread sin ábhar níl sé furasta aon ábhar ar leith a roghnú, ach is iad stair agus polaitíocht na hÉireann, logainmneacha Chontae Chorcaí agus sráideanna Chathair Chorcaí agus stair ghinearálta mhuirí na hábhair is fearr liom go pearsanta. Bainim taitneamh as an eolas seo a roinnt le daoine agus grúpaí a thugann cuairt ar an leabharlann agus tríd an mbaint a bhíonn agam le taispeántais, léirithe agus podchraolta ar na mallaibh.
Marie
Tá suim mhór agam sa stair áitiúil, ag foghlaim faoi fhoirgnimh stairiúla amhail caisleáin agus tithe móra go háirithe. Bím faoi dhraíocht ag an tseandálaíocht chomh maith agus tá fardail seandálaíochta an–úsáideach againn do chontae Chorcaí sna bailiúcháin againn. Déanaim ábhair agus acmhainní a dhigitiú do na bailiúcháin ar líne atá ag méadú againn. Is é an stair theaghlach ábhar eile a bhfuil spéis agam ann agus bainim taitneamh as cabhrú le daoine le haon cheist ghinealais atá acu.
